Sekretari i Përgjithshëm i Presidencës Florian Nuri ka kërkuar nga deputetët e komisionit parlamentar të ligjeve rritjen e buxhetit të këtij institucioni me një shtesë prej 10 milionë lekësh të vjetra. Sipas Nurit, paratë do të shërbejnë për të mbuluar shpenzimet operative. Nga ana tjetër, mësohet se Presidenca kishte kërkuar një shtesë prej rreth 20 milionë lekësh, një kërkesë që Ministria e Financave nuk e kishte pranuar.
“Buxheti i presidencës është rritur me 10%. Por kërkesën do ta mbajmë shënim dhe do e shohim”, pohuan përfaqësues të MF-së.
Në mbledhjen e komisionit parlamentar të ligjeve temë kryesore diskutimesh ishte buxheti i Presidencës për vitin e ardhshëm.
