Ministri i Shëndetësisë Ilir Beqaj ka publikuar në Facebook rritjen që do pësojnë pagat e mjekëve dhe infermierëve.
”Në Buxhetin e Shtetit 2017, Qeveria ka parashikuar një fond rreth 1.3 miliardë lekë (rreth 9.3 milionë euro) vetëm për rritjen e pagave të 4,650 mjekëve dhe 13,765 infermierëve.
Ndërkohë, që prej dy-tre vitesh edhe profesionistët e shëndetësisë kanë përfituar nga Taksimi i Ndershëm. Nëse mjekët dhe infermierët në Shqipërinë vitin 2013 kanë paguar të gjithë së bashku 990 milionë lekë tatim mbi të ardhurat, mbi pagën, apo rreth 10 milionë dollarë, në vitin 2014 prej ndryshimit të taksimit në Shqipëri, kanë paguar 495 milionë lekë të reja gjithsej, pra, 2 herë më pak.
Përtej rritjes së pagave, që është një politikë e përgjithshme në të gjithë sektorët, ku shëndetësia ka një rritje të mirë me 10% në të gjithë sektorët, që nga 1 Marsi, që do do të dyfishojmë shpërblimin për shërbimin e mjekut të rojes.
Po ashtu, kush punon në shërbimet e urgjencës, në çdo spital, në QSUT, në Spitalin Universitar të Traumës, në dy maternitetet e Tiranës, SUOGJ “Mbretëresha Geraldinë” dhe SUOGJ “Koço Gliozheni”, përfshi Urgjencën Kardiake 24/7, si dhe urgjencën e Stroke Unit që nis nga puna vitin tjetër, por edhe këdo që shërben në çdo lloj shërbimi reanimacioni, do të marrë një edhe 25% shtesë tjetër mbi pagën.
Pra, me shtesën e përgjithshme, me dyfishimin e pjesës së pagës, kush mjek bën roje në Shqipëri, – nga statistikat tona bëhen rreth 6 roje në muaj mesatarisht, – do të marrë në spitale rajonale, të ardhura bruto mujore, 95 mijë lekë, ndërsa në spitalet universitare, – jo për pjesën e pedagogëve se ata kanë tjetër regjim, – do të marrë një pagë mbi 100 mijë lekë të reja.
Kushdo që do të punojë në një spital rajonal, duke pranuar edhe motivimin që i kemi bërë specialistëve të Tiranës që pranojnë të shkojnë të punojnë në spitale rajonale, – sepse që nga gushti i kaluar ofrojmë një shpërblim shtesë me 100 mijë lekë të reja, – do të thotë që kush punon në këto spitale dhe pranon ta lerë Tiranën, do të ketë një të ardhur mujore rreth 2 milionë lekë të vjetra.”, shkruan Beqaj në Facebook.
