Projekt-buxheti i vitit 2017 në fushën e planifikimit urban do të mbështesë pushtetin vendor, me më shumë fonde krahasur me një një vit më parë, për hartimin e planeve të përgjithshme vendore në 10 bashki të reja.
Brenda vitit 2017, 46 bashki nga 61, do të kenë të hartuar dhe miratuar instrumentet e tyre vendorë, duke garantuar zhvillimin e qëndrueshëm urban, ekonomik, social, mjedisor, duke i hapur rrugën investimeve strategjike shkruan ATA.
Gjithashtu, është planifikuar zbatimi i projekteve pilot në bashkitë Tiranë, Korçë, Belsh dhe Himarë për rivitalizimin urban dhe rijetësimin e infrastrukturës në vlerën 25 milionë lekë. Ndërsa në fushën e strehimit për të garantuar kushte të përmirësuara jetese dhe ofrimin e një strehimi të përballueshëm për qytetarët është parashikuar:
– Rikonstruksionin e 185 banesave të komunitetit Rom dhe Egjyptian në bashki.
– Rehabilitimin e godinave ekzistuese të dala jashtë funksionit fillestar me qëllim strehimin e shtresave në nevojë për 162 familje të pastreha.
– Subvencionimin e interesave të kredive me përfitues 4300 familje, të cilat janë trajtuar me kredi me kosto të ulët, duke zvogëluar numrin e të pastrehëve në mbarë vendin.
Në fushën e legalizimeve për vitin 2017, është parashikuar për ALUIZNI-n rreth 127 milionë lekë investime për intensifikimin e procesit për legalizimin e rreth 30 mijë objekteve të reja në zonat masive informale deri në muajin maj 2017, duke mundësuar legalizimin e mbi 100 mijë objekteve për periudhën qershor 2014 – maj 2017./a.m.
nje vendim shume i mire per perfundimin e projekteve te nisura dhe vazhdimesine e projekteve te reja