Ministri i Jashtëm, Ditmir Bushati ka vizituar sot xhaminë e Parrucës në Shkodër, atje ku është takuar me krerët e saj të cilëve iu ka shprehur urimet më të mira për festën e Kurban Bajramit.
Pas këtij momenti, ministri ka uruar edhe gjithë besimtarët myslimanë, duke e cilësuar Kurban Bajramin, festë që na bashkon të gjithëve, pavarësisht besimit.
“Urimi ynë shkon për besimtarët myslimanë në Shkodër, për më shumë mirëqenie, më shumë mbarësi në familjet e tyre dhe për të dashurit e zemrës. Është gjithashtu në traditën më të mirë të shqiptarit, por përgjithësisht edhe të Shkodrës për t’i uruar besimeve të njëri-tjetrit për këtë festë që pavarësisht besimin na bën të gjithëve sëbashku. Gëzuar”!
