Shqipëria çështë e gatshme të presë refugjatë lufte, por në shkëmbim të integrimit në Bashkimin Europian.
Duket se gjithmonë e më shumë integrimi në BE nuk është ai destinacioni brenda Shqipërisë, që duhet të arrihet me reforma.
Pas kërcënimeve të kryeministrit Edi Rama se nëse integrimi nuk ecën përpara, Shqipëria dhe vendet e rajonit rrezikojnë të kthehen në vatër të radikalizimit islamik, ja ku vjen edhe një tjetër kushtëzim.
Në një raport të Ministrisë së Jashtme, drejtuar Kuvendit të Shqipërisë, thuhet se Shqipëria mund të presë azilantët e zonave në konflikt, pasi menaxhimi i kësaj situate do e afrojë Shqipërinë me Bashkimin Europian.
Sipas Panoramës, gjatë një takimi në Luksemburg, Bushati ka ofruar ndihmën e Shqipërisë për të pritur refugjatët sirianë, afganë dhe afrikanë.
Shqipëria e humbi edhe sivjet shansin për të hapur negociatat me BE-në.
Një zyrtar gjerman tha se Shqipëria është ende shumë larg hapjes së negociatave.
