Gjatë fjalës së tij në Kuvend, ministri i Jashtëm Ditmir Bushati e vendosi theksin te vendimi i Parlamentit Europian që miratoi raportin për Shqipërinë.
“Kjo javë që sapo u mbyll shënoi një mjedis pozitiv në mjediset e Parlamentit Europian, ku Shqipërisë iu dha një mbështetje e gjerë për të nisur bisedimet për anëtarësim vitin e ardhshëm.
Ne i jemi mirënjohës Parlamentit Europian, deputetëve reporterëve, grupimeve kryesore politike të cilët e kanë pas si kompas orientues procesin e reformave shtetndërtuese në Shqipëri dhe në vende të tjera të rajonit” – tha shefi i diplomacisë shqiptare.
Sipas tij, opozita heshti për miratimin e kësaj rezolute të rëndësishme në Parlamentin Evropian.
“Raporti në Parlamentin Eropian, tregon shumë qartë kursin e reformave që Shqipëria ka ndërmarrë kryesisht në fushën e sundimit të së drejtës, në ekonomi dhe rolin dinamik dhe konstruktiv në rajon.
Shqipëria dhe shqiptarët gjatë këtyre viteve janë renditur në krah të familjes euroatlantike” – tha në fund Bushati.
/A.Rada
