Ministri për Europën dhe Punët e jashtme, Ditmir Bushati ka reaguar menjëherë pas deklaratave të ish- kryeministrit Berisha, i cili tha se hapësira e falur për Greqinë është një fushë e madhe e gazit dhe naftës në detin jon dhe Mesdhe.
Bushati nëpërmjet një postimi në rrjetet sociale i është përgjigjur Berishës duke i kërkuar të mos përmendë detin sepse do të hapej një faqe e zezë e tij
“Sali! Unë jam dega e një trungu që s’u përkund kurrë në 500 vjet histori. Mos e përmend detin se aty do nxijë përjetë faqja jote e zezë! Kjo qeveri ku kam nderin të jem, do rikthejë dinjitetin që ti i’a shkele Shqipërisë e do hapë një faqe të re partneriteti strategjik me fqinjin”, shkruan Bushati
Pak më herët Berisha deklaroi se kryeministri Edi Rama hoqi mbathjet dhe i fali Greqisë fushat më të mëdha të gazit
“Rama heq mbathjet dhe i fal Greqise fushat me te medha te gazit dhe naftes te Jonit dhe Mesdheut!”, shkruan Berisha
