Ministri i Jashtëm i Turqisë, Mevlüt Çavuşoğlu, gjatë konferences per shtyp me homologun Ditmir Bushati tha se FETO ka depërtuar në sistemin shtetëror në Shqipëri. Turqia pret që Shqipëria të largojë nga vendi të gjithë gylenistët e FETO, që shteti turk e konsideron organizatë terroriste.
“Organizata FETO bëri grusht shteti në Turqi. Ata hapen zjarr kundër popullit, përdoren tanket kundër popullit, bombarduan parlamentin, por ne i mposhtëm. Shqipëria pas atij grushti shteti tregoi shembull solidariteti. Ka një të vërtetë, ka një strukture të FETO teper serioze në çdo fushë në Shqipëri. Kanë përdorur sistemin arsimor dhe kanë deportuar në sistemin shtetëror. Kjo organizatë është kërcënim për Turqinë, nuk janë vetëm. Këtu ka elementë të FETO-s, presim dicka nga Shqipëria mike. Presim mbylljen e këtyre institucioneve nga Shqipëria.”, tha ministri turk
Ministri i jashtëm turk deklaroi se Turqia i ka bërë kërkesë zyrtare Shqipërisë për ekstradimin e këtyre elementëve. Çavuşoğlu tha se Tirana është njohur zyrtarisht me emrat.
“I kemi dhënë emrat e personave të cilëve duam të ekstradohen, e kemi bërë kërkesën edhe zyrtarisht. Kjo është me rëndësi për ne dhe Shqipërinë mike“, tha ministri turk
Ministri Bushati deklaroi se lidhur me ekstradimet ndiqen rrugë diplomatike, pasi jemi vend i NATO-s dhe kandidatë për në BE.
Nga ana tjetër kryediplomati shqiptar theksoi se ‘Që në ADN e shtetit, që prej kohës së rilindësve dhe etërve themelues, parimi bazë i Shqipërisë ka qenë laiciteti’.
Gjate konferences per shtyp, ministri turk iu pergjigj mes të tjerave, edhe pyetjes nese ne kembim te ndertimit te xhamise se Namazgjasë, Turqia kishte kerkuar largimin e kreut te Komunitetit Musliman shqiptar, Skënder Bruçaj.
Xhamia, qe pritet te jete me e madhja ne rajonin e Ballkanit, financohet nga qeveria turke dhe do te kete kapacitet per 5 mije persona.
Ministri i Jashtem turk u kujdes te jepte nje pergjigje diplomatike, kur tha se ishin ne dijeni te vijimit te punimeve te xhamise, se kishin mbetur edhe disa detaje, por Turqia nuk kishte synime te tjera.
Edhe ministri Bushati e kishte nje pergjigje per kete ceshtje, duke thene se Shqiperia bazohet mbi parimin e laicitetit, e kesisoj do te ishte absurde te mendohej qe shteti shqiptar te mund të përfshihej ne cështje fetare, e aq me shume nje vend i huaj.
“Përgjigjja e shtetit shqiptar është ajo përgjigje që i kemi dhënë qoftë Turqisë qoftë në planin ndërkombëtar. Shqipëria ka qenë ndër vendet që është solidarizuar me ato që kanë ndodhur në Turqi, por nga ana tjetër është anëtar i NATO-s dhe kandidate e BE dhe aderon në disa organizma me rregulla të përcaktuar për ekstradime ndaj çdo rrugë ndiqet në rrugë diplomatike dhe asesi në konferenca shtypi”, deklaroi Bushati
Ministri turk u shpreh se janë 3 miliardë dollarë amerikanë investime turke në Shqipëri
“Shqipëria është mikja dhe aleatja jonë me të cilën kemi lidhje të vjetra historike. Kemi cikluar deklaratën për bashkëpunimin e nivelit më të lartë. Një mekanizëm të tillë Turqia e ka negociar me 22 vende. Marrëdhëniet tona ekonomike po rriten vazhdimisht. Janë 3 miliardë dollarë amerikanë investime turke në Shqipëri. Jemi të fokusur tek investimet në energji dhe ndërtimi i aeroporteve. Duam të vazhdojmë bashkëpunimin në fushën e arsimit. Duam të ngremë shkolla të reja në Shqipëri. Duam të investojmë edhe në shëndetësi, energjitikë dhe bujqësi. Mbështesim Shqipërinë për kandidaturën në OSBE. Shqipërisë i urojmë suksesë në integrimin në BE.”, tha ministri turk
Javanews/a.ç
