Ministri i Jashtëm i Shqipërisë Ditmir Bushati në fjalën e mbajtur te shtunen në hapje të Asamblesë Parlamentare të NATO-s në Tiranë, deklaroi se shtatë vitet e anëtarësimit tonë në Aleance e kanë shndërruar Shqipërinë në një aktor të rëndësishëm rajonal që ka angazhimin e duhur per sfidat me të cilat përballet sot siguria europiane.
Anëtarësimi në Aleancë për Shqipërinë ishte rezultat i demokratizimit të vendit dhe mbi të gjitha shprehje e përkatësisë europiane të saj, tha ministri.
Ne kemi dëshmuar, theksoi Bushati, se jemi anëtarë të besueshëm te NATO-s dhe ne vazhdojme të mbështesim politikën e dyerve të hapura të organizates.
Sa i takon Kosovës, theksoi ai, ne besojmë se një rrugë e qartë dhe e mirëpërcaktuar drejt proceseve integruese si në BE e NATO janë parakusht për të pasur një siguri të qëndrueshme e stabilitet demokratik për rajonin.
Angazhimi ynë përmes misioneve të NATO-s është dëshmi e seriozitetit dhe përgjegjshmërisë sonë. ‘Kjo frymë na nxit të vijojmë kontributin tonë duke rritur nivelin e pjesëmarrjes”, shtoi Bushati.
