Një ngjarje e rëndë ka ndodhur pasditen e sotme në Rrogozhinë, ku një burrë ka tentuar të varë në litar gruan e tij.
Fatmirësisht 35 vjeçarja ka shpëtuar, ndërkohë që mësohet se ngjarja ka ndodhur pas një grindje në familje.
Policia ndodhet në vendngjarje dhe po punon për zbardhjen e rrethanave të ngjarjes.
Bashkëshorti K.Lika rreth 40 vjeç, ka qenë i dënuar më parë për vjedhje, dhe kishte vetëm 5 muaj që ishte liruar nga burgu.
Mësohet se fill pasi ka kryer aktin e rëndë duke varur me litar bashkëshorten autori është larguar nga banesa. 35-vjeçarja G. Lika raportohet se kishte pasur konflikte të vazhdueshme me bashkëshortin.
Policia ka ngritur grupe kontrolli për kapjen e autorit, ndërsa bashkëshortja po merr ndihmën e parë në Spitalin e Rrogozhinës./m.j
