Reperi Feronit Shabani, i njohur thjesht si Fero, u la për një muaj në paraburgim sipas vendimit të Gjykatës Themelore të Gjilanit. Por ajo ç’ka mori më së shumti vëmendjen ishte ‘reagimi’ i modeles i cili nuk ishte aspak i ai që pritej nga fansat e reperit.
Arbenita Ismajli duket se ka vendosur të mos reagojë aspak në lidhje me situatën ku gjendet partneri i saj por të vazhdoj normalisht me postimet dhe përdorimin e rrjeteve të saj sociale. Modelja u kryqëzua nga fansat për shkak të disa fotove provokuese të cilat i postoi në Instagram, gjë që i bëri ndjekësit të shpërthenin në kritika të shumta në sektorin e komenteve.
“Mos u reklamo shumë se e ke burrin në burg”- shkroi një komentues, ndërsa në një tjetër koment thuhej: “Burrin në burg ti këtu”.
E mesa duket këto komente nuk i kanë bërë aspak ‘përshtypje’ Arbenitës pasi së fundmi modelja duket se paska nisur dhe ‘pushimet’, të paktën kështu i quan ajo vendet ku shkon për punë.
“Kush ka nevojë për pushime kur puna që bën të çon në çdo vend”- shkroi ajo krahas një postimi në InstaStory, ku tregonte nëpërmjet videos dyqane me rroba.
Fero doli ditën e mërkurë t para Gjykatës Themelore të Gjilanit që vendosi ta lejë pas hekurave. Përmes një njoftimi për mediat, Gjykata Themelore në Gjilan lajmëron se reperi do të qëndrojë në paraburgim me kohëzgjatje një muaj, mbi akuzën e ngritur ‘Sulmi’.
Kjo pasi para disa ditësh ai sulmoi një person në makinë në qytetin e Gjilanit. Në rrjetet sociale u publikuan menjëherë pamjet e dhunshme dhe më pas policia ndërhyri duke arrestuar reperin.
