I lindur që para një shekulli burri më i moshuar në botë ka vdekur dje në moshën 116 vjeçare. Bëhet fjalë për një afrikan, i njohur me emrin Fredie Blom, i cili kishte lindur në vitin 1904 në provincën Cape në Afrikën e Jugut, pavarësisht se ditëlindja e tij nuk u verifikua kurrë nga Guinness Records World.
Gjatë viteve të adoleshencës, e gjithë familja e Blom u shua nga pandemia e gripit spanjoll të vitit 1918, ndërkohë ai i mbijetoi pandemisë së gripit spanjoll dhe 2 luftërave botërore dhe aparteid. Përmes një interviste për BBC në vitin 2018 ai tregoi se nuk ka një sekret të veçantë për jetëgjatësinë e tij.
“Ka vetëm një gjë, është ai sipër njeriut, zoti. Ai ka të gjitha fuqitë. Unë nuk kam asgjë. Unë mund të iki në çdo kohë, por ai më mban”- ka deklaruar Blom.
116-vjeçari i ndjerë e kaloi pjesën më të madhe të jetës si punëtor në një fermë, por më pas punoi në industrinë e ndërtimit dhe doli në pension rreth moshës 80-vjeçare.
Edhe pse hoqi dorë nga pirja shumë vite më parë, ai ishte një duhanpirës i rregullt shkruan BBC.
Familja e Z. Blom tha që ai vdiq nga shkaqe natyrore në Cape Town të shtunën.
“Dy javë më parë gjyshi ishte akoma duke prerë dru,” tha zëdhënësi i familjes Andre Naidoo për agjencinë e lajmeve AFP. “Ai ishte një njeri i fortë, plot krenari“.
Por brenda ditësh zoti Blom u tkurr “nga një njeri i madh te një person i vogël“, shtoi ai.
Z. Naidoo tha që familja nuk besonte se vdekja e tij ishte e lidhur me Covid-19./ Javanews
g.kosovari
