Një burrë është burgosur për 9 vite pasi policia ka gjetur video në telefonin e tij që tregonin se kishte përdhunuar bashkëshorten ndërkohë që ajo flinte.
Burri, i cili është rreth të 30-ve, në mënyrë të përsëritur ka filmuar veten duke kryer akte seksuale ndaj gruas së tij në shtratin e martesës.
Gjykata e Newcastle Crown bëri me dije se çifti kishte rreth 10 vite martesë, ndërsa abuzimi ka nisur në shtator të vitit 2016.
Gruaja e burrit zbuloi videot pasi burri i saj la telefonin celular në shtëpi kur ai shkoi në punë.
Gjykata dëgjoi se gruaja kishte kontaktuar bashkëshortin e saj pasi gjeti videot e ruajtura në një aplikacion për smartphone dhe tha: “Kam parë vetëm videot që më përdhunon në telefonin tënd.”
Ai nuk shkoi në shtëpi dhe u vetëdorëzua në polici, raporton Ora News.
Në stacionin e policisë ai u tha oficerëve: “Kam pasur marrëdhënie seksuale me gruan time. Ajo nuk pranoi. Ajo zbuloi dhe pa videot në telefonin tim. ”
Në një deklaratë, viktima tha: “Në mars të vitit 2017, zbulova se burri im më kishte abuzuar seksualisht.
Që nga ajo ditë, jeta ime dhe ajo e fëmijëve tanë është e përmbysur në atë mënyrë saqë nuk mund të ndërtohet më.
Unë kurrë nuk mendova se ai do të ishte në gjendje të bënte atë që bëri.
Ai më ka mashtruar plotësisht. Nuk dua ta shoh përsëri kurrë”.
