Një shqiptar në Itali, Dritan Demiraj, është dënuar me burgim të përjetshëm, pasi është gjetur fajtor për vrasjen me thikë të ish-të dashurës rumune dhe të dashurin e saj italian.
Edhe Prokuroria e Riminit kishte kërkuar të njëjtën masë dënimi për shqiptarin
Ngjarja ka ndodhur në vitin 2014, ku Dritan Demiraj, i ndihmuar edhe nga e fejuara e tij, Monica Sanchi, dhe daja Sadik Dine kanë kryer vrasje të dyfishtë. Po dje, daja e tij u dënua me 5 vjet burg për bashkëpunimin në vrasje.
Demiraj vrau ish-të dashurën e tij rumune, Lidia Nusforfi më 1 mars të vitit 2014 në stacionin e trenit në Rimini, pasi kishte vrarë më 28 shkurt të atij viti, Silvio Manninën, të dashurin e saj italian.
Këtë të fundit ai e vrau në banesën e tij, i ndihmuar nga e fejuara dhe daja, Sadik Dine. Prokuroria e Riminit kishte kërkuar burgim të përjetshëm për dajën e tij peshkatar, si edhe 30 vjet burg për të fejuarën, Monica Sanchin. Krimi dyshohet se ka ndodhur për hakmarrje.
