Prokuroria e Riminit ka kërkuar burgim të përjetshëm për Dritan Demirajn, 30 vjeç, bukëpjekësin shqiptar që vrau gruan dhe dashnorin e saj.
Ngjarja e rëndë ndodhi në vitin 2014, në Rimini, kur Demiraj vrau Lidia Nusdorfin, 30 vjeç, dhe Silvio Maninën, 30 vjeç.
Trupi i këtij të fundit u gjet në liqenin e Azzuros.
Nga ekspertiza rezultoi se ishte torturuar për orë të tëra para se të hidhej në ujë i pajetë.
Ai ishte mbytur me një tel energjie elektrike.
Demiraj kontaktoi me Silvio Maninën me anë të Facebookut, pasi dyshonte se ai shkonte me gruan e tij.
Manina ishte rrahur, zhveshur nudo dhe e kishin kërcënuar që të telefononte Lidian.
“Do të bëj çfarë të duash, vetëm mos më vra”, i ishte lutur italiani.
Demiraj e ka rrahur me grushta e shqelma dhe e kërcënuar edhe se do t’i rripte lëkurën nëse nuk bindej.
Pasi vrau italianin, Demiraj i dërgoi sms Lidias nga telefoni i Maninës, duke i thënë se e priste që të bënin seks.
Sapo ajo erdhi në vendin e takimit, ai e vrau edhe atë.
Ndërkohë, gjykata ka dërguar burgim të përjetshëm edhe për dajën e 30-vjeçarit, që ka ndihmuar në transportimin e kufomave.
Dritan Demiraj i ka pohuar trupit gjykues se “e kam dashur shumë Lidian, por më tradhtonte. Ajo më tradhtoi edhe me kushëririn tim në Shqipëri. Kam vepruar nga xhelozia. Më vjen keq për familjen Manina, po ai pagoi për veprimet e Lidias dhe për krenarinë time”.
