Një shpërthim më lëndë plasëse ka ndodhur, ditën e djeshme në datën 15.01.2018 rreth orës 23:10, në vendin e quajtur “Pishat”. Një sasi e vogël lënde plasëse i është vendosur një automjeti tip ‘Land Rover’, në pronësi të shtetasit A.Sh, 41 vjeç, banues në Fushë-Bulqizë.
Sipas raportimeve të shtetasit që kishte në pronësi automjetin, ky automjet ka qenë i parkuar prej disa ditësh në anë të rrugës, pasi nuk ishte në gjendje të rregullt teknike. Sipas raportimeve nga shpërthimi i mjetit nuk ka pasur të dëmtuar por vetëm dëme të vogla materiale të mjetit. Pritet të vijnë ekspertët për të përcaktuar llojin e lëndës plasëse. Grupi hetimor po vijon hetimet për zbardhjen e plotë të kësaj ngjarje.
