Një adoleshent nga Fushë Bulqiza ka përfunduar në spital në gjendje të rëndë, i plagosur në kokë në rrethana të dyshimta.
Ngjarja ka ndodhur rreth orës 15:30 të ditës së djeshme në Fushë-Bulqizë, ku është konstatuar i dëmtuar V.D., 17 vjeç.
I riu i dëmtuar është dërguar me helikopter për ndihmë më të specializuar drejt Tiranës. V.D., ka deklaruar para oficerëve të policisë se duke luajtur në një fadromë të vjetër, aksidentalisht është rrëzuar dhe për pasojë është dëmtuar në kokë.
Por nga hetimet e kryera në vendin e deklaruar nga i dëmtuari nuk është konstatuar ndonjë fadromë të prishur apo në gjendje pune.
Grupi hetimor po vijon hetimet mbi zbardhjen e rrethanave se ku ka ndodhur dhe si ka ndodhur kjo ngjarje e raportuar si aksidentale/noa/a.k
