Operacion anti-cannabis i koduar “Ballenjë e Madhe” në Bulqizë ku u asgjësuan 16 mijë rrënjë kanabis dhe u sekuestruan armë e municione.
Në vijim të punës për evidentimin dhe goditjen e veprimtarisë kriminale të kultivimit të bimëve narkotike, Efektivat e Komisariatit të Policisë Bulqizë, mbi bazën edhe të informacioneve të marra në rrugë operative, gjatë ditës së djeshme kanë zhvilluar një tjetër operacion anti- cannabis, të koduar “Ballenjë e Madhe”.
Si rezultat i këtij operacioni në vendin e quajtur Mali “Ballenjë e Madhe”, njësia Administrative Martanesh, Bulqizë në një vend shumë të thepisur dhe të rrethuar me pemë Ah, janë konstatuar pesë parcela afër me njëra- tjetrën të kultivuara me bimë narkotike.
Nga kqyrja e bërë nga grupi hetimor rezultoi se në këto parcela ishin të kultivuara 16.000 rrënjë bimë të dyshuara narkotike Cannabis Sativa, të cilat u asgjësuan me anë të djegies, ndërsa disa bimë u sekuestruan në cilësinë e provës materiale.
Bimët varionin me përmasa nga 90 cm, në 170 cm.
Gjatë kontrollit të ushtruar përreth është konstatuar një vend qëndrim i mbuluar me plasmas, ku brenda tij janë gjetur dhe sekuestruar:
Një armë zjarri “Kallashnikov” dhe 55 copë fishekë.
Vijon puna për identifikimin dhe kapjen e autorit/ve.
Materialet proceduriale i kaluan Prokurorisë së Rrethit Gjyqësor Dibër, për veprime të mëtejshme./a.m.
