Gjykata bullgare ka dënuar me 30 vjet burgim Severin Krasmirov për përdhunimin dhe vrasjen e gazetares investigative Victoria Marinova.
Trupi i Marinovas u gjet më 6 tetor të vitit të kaluar në lumin Danub në qytetin Ruse, në veri të Bullgarisë. Krasmirov, 21 vjeç u shfaq në gjykatë dhe u deklarua fajtor për përdhunim e vrasje, shkruajnë mediat e huaja.
Hetuesit thanë se Krasmirov e ka kryer krimin i vetëm. Krasmirov ishte arratisur për në Gjermani pasi ka kryer krimin, ndërsa u soll menjëherë në Bullari. Duke pranuar fajin, bullgari evitoi dënimin me burg përjetë. Ky është vendimi i shkallës së parë, ndërsa i pandehuri mund të paraqesë ankesë për 15 ditë. (BW)
