Banorët e Stacionit të Trenit të prekur nga ndërtimi i Bulevardit të ri kanë nisur sërish protestën para Bashkisë së Tiranës, për rishikimin e vendimit për shpronësimet.
Në total janë 204 banesa që preken nga punimet ndërkohë që 12 prej tyre kanë marrë ultimatumin e fundit që duhet të zbrasin banesat e tyre brenda 4 ditëve pasi do të nisë shembja
Banorët nuk janë dakort të dalin nga shtëpitë e tyre në rast se nuk i jepet mundësia e nje banese tjetër. Po ashtu, ata refuzojnë masën e kompensimit që i është caktuar me vendim qeverie dhe deklarojnë se nuk do të lirojnë banesat pa u strehuar më parë.
Protesta ka pasur edhe disa ditë më parë, ku qytetarët e prekur nga ky plan, janë konfliktuar ashpër me policinë dhe kanë kundërshtuar me forcë zhvendosjen e tyre.
