Ka rinisur prishja e banesave te Stacioni i Trenit, të cilat preken nga projekti i zgjatimit të bulevardit në Tiranë.
Paraditen e sotme, banorët kanë kundërshtuar ndërhyrjen e IKMT-së për shembjen e banesave. Ata janë përplasur me efektivët e policisë, të cilët krijuan kordonë sigurie për t’i hapur rrugë ndërhyrjeve.
Banorët pretendojnë se nuk janë lajmëruar, dhe nuk u janë kaluar paratë në llogaritë bankare për shembjen e godinave. Po ashtu, ata kanë deklaruar se afati që i ishte lënë banorëve për t’u larguar nuk ka qenë i mjaftueshëm.
Janë mbi 200 familje që preken nga kjo ndërhyrje. Fondi i vënë në dispozicion është 12.5 milionë euro. Ndërkohë që, vlera e kompensimit për pronarët është 263 milionë lekë të vjetra për metër katëror dhe vlera e kompensimit për objektet e shërbimit dhe biznesit është 179 mijë lekë të vjetra për m2. Ditën e sotme pritet të shemben katër banesa.
