Kryeministri Edi Rama, nga Kavaja, foli për rëndësinë që i ka kushtuar PS përfaqësimit nga gratë.
Rama tha se PS ka dhënë dy shembuj të rinj në politikën shqiptare, bashkëdrejtimin e organizatave nga burrat dhe gratë, si dhe përfshirjen e tyre edhe në skuadrën e Shqipërisë 2030.
“Oferta jonë në Kavajë është e veçantë dhe e rrallë. Çfarë ndodh me ofertën tjetër. Kavaja demokrate besoi te primaret, besoi te thirrja e bufit të kënetës, për të gjithë ata që kishin ambicie ta nxirrnin kokën mbi ujë. Kavaja nxori në primare, fituesin e qarkut të Tiranës. Ku është ky? E hëngri bufi, siç hëngri ata që u dalluan në primare. Sikur tha, nxirrni kokën t’iu shof, që keni mbështetje, bufi nuk përgatitet për fitore, përgatitur për opozitë, për të shkatërruar Shqipërinë. E keni parë listën embyllur të Tiranës? Këto janë zgjedhje se ku do jetë Shqipëria në BE, apo do shkojë në gropë prapë”, theksoi ai.
