Portieri i Juventusit, Gianluigi Buffon, thotë se gjigantët anglezë Arsenali, Manchester United dhe City kanë provuar ta transferojnë gjatë karrierës së tij të gjatë. 38-vjeçari ka treguar se më 1998 ishte takuar me trajnerin Arsene Ëenger për të diskutuar një transferim potencial te Arsenali, derisa edhe legjenda Alex Ferguson i Manchester Unitedit, ishte i interesuar për ta transferuar në Old Trafford në kohën sa ai ishte në Parma. Buffon kishte vendosur të qëndronte në Itali dhe kishte kaluar nga Parma te Juve më 2001, para se City të provonte me shumë para ta merrte në Etihad. “Më kujtohet kur isha 20 vjeçar në vitin 1998 pata darkë me Ëengerin e Arsenalit. Më pas sa isha në Parma, Unitedi kishte sytë tek unë me Fergusonin për shumë kohë. Por të them se oferta më serioze dhe më direkte ishte nga Manchester City. Ata ishin afruar në vitin 2007-2008”, ka thënë Buffon për “BT Sport”, transmeton koha.net. Buffoni për Juventusin ka më shumë se 550 paraqitje dhe ka fituar tetë tituj të Series A, dy nga të cilit ishin hequr për shkak të skandalit “Calciopoli”.
