Regjisori Edmond Budina ka reaguar pas deklaratave të kryeministrit Edi Rama i cilit i tha se nuk i takon të shajë dhe të fyejë se fyerja nuk është art.
Budina në përgjigjen e tij thotë se mosbindja civile nuk është fyerja ndërsa akuzon Ramën se ai ka shkelur kushtetutën me shembjen e Teatrit Kombëtar.
Regjisori më tej thotë se jemi në fashizëm, dhe se sipas tij kjo ëshjtë një aferë korruptive.
Ndërkaq shton se Rama ka 20 vjet që do ta shembë Teatrin dhe se nuk ka bërë asgjë për kulturën gjithë këto vite.
Pjesë nga fjala e Budinës:
Në qoftëse misbindja civile është fyerje… unë jam në të drejtën time.
Ai ka shkelur kushtetutën… A nuk është korruptive fakti që ne të gjejmë lekët për të rikonstruktuar teatrin dhe të ndërtosh një tjetër, a nuk është kjo korruptive..
Cili është interesi atë e dini ju se di unë. Unë kam bërë detyrën time si qytetar.
Për çfarë shpifjesh mendon Edi Rama. Unë kam qenë atje e them dhe e përsëris, është ajo parti politike, PD që përmbysi komunizmin kur Edi Rama u largua.
Për mua është një sistem fashist. Atje ishin ca njerëz paqësorë…
Aleanca do të vazhdojë mosbindjen civile… Shembja e Teatrit është një nga krimet më të mëdha që kanë bërë.
Ai vjen në mes të natës si hajdut duke e shembur godinën kur njerëzit janë brenda.
Më thoni a nuk është fashizëm ky, ky është fashizmi.
Më shumë teatro më pak dhunë do të ketë sa më shumë dhunë aq më e keqe është shoqëria. Çfarë ka bërë për kulturën gjithë këto vite.
Ka 20 vjet që ka një makth të vazhdueshëm për të prishur teatrin kombëtar.
Turpin dhe nderin e merr gjithësecili me vete, unë jetën time e kam bërë siç kam dashur.
/a.r
