Delegacioni i Bashkimit Evropian dhe shtetet anëtare u kanë bërë thirrje të gjitha palëve të tregojnë përmbajtje të menjëhershme.
Nisur nga aktet e dhunës së opozitës te godina e Kryeministrisë, BE shprehet se e drejta e qytetarëve për të shprehur veten përmes protestës paqësore është një vlerë thelbësore e një demokracie moderne evropiane.
Megjithatë, shton Bashkimi Evropian, dëmtimi i pronës publike dhe përdorimi i dhunës nuk janë të pranueshme.
“Ne i bëjmë thirrje të gjitha palëve të bëjnë çmos për të shmangur dhunën dhe përçarjen” – thotë BE në një deklaratë për shtyp.
