Delegacioni i Republikës së Kosovës i udhëhequr nga ministrja për Dialog, Edita Tahiri, udhëton nesër për në Bruksel për të marrë pjesë në takimin e radhës Prishtinë-Beograd për çështjen e lëvizjes së lirë, përkatësisht reciprocitetin në tabelat e regjistrimit të automjeteve, e cila është e paraparë me marrëveshjen e lëvizjes së lirë të vitit 2011.
Njoftimi i dërguar thekson se, në ditët pasuese në Bruksel pritet të mbahen takime tjera në kuadër të dialogut teknik.
Në 8 shtator 2016 do të mbahen takime për çështjen e diplomave dhe kadastrit, në 9 shtator takimi për vlerësimin e procesit të revitalizimit të urës së Mitrovicës pas heqjes së barrikadës, ndërsa në 13 shtator takimi i radhës për çështjen e kodit shtetëror telefonik për Republikën e Kosovës./a.m.