Çiklisti britanik, Chris Froome, ka fituar për herë të katërt garën e famshme “Tour de France” dhe të tretën rresht.
Froome 32-vjeçar, titullin e kampionit e siguroi qysh të shtunën në etapën e parafundit, në të cilën përfundoi i treti dhe mbajti epërsinë në krye të renditjes së përgjithshme.
Të dielën në etapën e fundit, që është ceremoniale, Froome e festoi fitoren. Në të vërtetë është traditë që në etapën e fundit të mos sulmohet fituesi, kështu që triumfuesi i “Tour de France” dihet qysh në xhiron e parafundit, transmeton “Koha Ditore”.
“Është një ndjenjë e jashtëzakonshme të përfundoj në këtë atmosferë. Tri javë garim kanë mbaruar, është fenomenale, jam shumë i lumtur”, ka thënë Froome, garues i ekipit Sky për BBC.
Një etapë para fundit të garës, Froome kishte epërsi prej 54 sekondave ndaj kolumbianit Rigoberto Uran… (b.an)
