Në një kohë kur po përjetohet Brexit dhe krenaria e të qenit britanik, del në dritë fakti që origjina anglo-saksone e qytetarëve në Britaninë e Madhe është në minorancë.
”Anglo-saksonët e vërtetë janë rreth 37 për qind”, njoftoi ”Ancestry Dna”, faqja e specializuar e internetit për kërkimet gjenealogjike dhe ADN-në.
”Prejardhja gjenetike kombëtare është shumë herë më e ndryshe. Rreth 22 për qind janë me prejardhje kelte, 20 për qind nga Evropa Perëndimore, Gjermani dhe Francë, 9,2 për qind nga Skandinavia, tre për qind iberikë, që do të thotë spanjollë dhe portugezë dhe dy për qind italianë dhe grekë”, shton ”Ancestry Dna”.
”Në një epokë ku koncepti i identitetit britanik është thelbësor për shumë persona, është interesantë të shohësh që kur flitet për origjinë nuk jemi kaq britanikë apo irlandezë sa mendojmë”, thotë Brad Argent, zëdhënës i ”Ancestry Dna”.
