Vrasja e Jo Cox, një deputete laburiste pro BE-së, 41 vjeçare, e vrarë me plumba sot në Birstall (veri të Anglisë), tronditi fushatën e referendumit mbi qëndrimin në Bashkimin Evropian duke e kthyer në një dramë, një javë larg votimit. Policia, që deklaroi se vdekja e saj ndodhi në orën 12:48 GMT, morri në pyetje një të dyshuar të moshës 52 vjeçare të përshkruar nga fqinjët e tij si një i vetmuar.
Ajo theksoi se “një numër i madh dëshmitarësh ishte marrë në pyetje dhe arsyet e vdekjes pritet ende të përcaktohen”.
Pas shpalljes në fillim të mesditës së agresionit kundër deputetes, kampi që përkrahte qëndrimin e Britanisë së Madhe në BE shpalli ndërprerjen e fushatës gjatë kësaj dite dhe asaj të nesërme. Ish-kryebashkiaku i Londrës dhe një ndër krerët e kampit pro daljes nga BE-ja, Boris Johnson ka shpallur gjithashtu se do të ndërpresë fushatën gjatë ditës ndërsa David Cameron ka anuluar një takim pro BE-së në Gjibraltar.
Ndërkohë që fushata për referendumin mbi qëndrimin e Britanisë së Madhe në BE ishte në kulmin e saj shtatë ditë larg votimeve, agresori kishte bëritur “Britain first” (Britania e Madhe e para), sipas një dëshmitari të cituar nga media.
ma.me
