Britania e Madhe i thotë “jo” Bashkimit Evropian në lidhje me planin e unionit për sistemin e kuotave, për t’i bërë ballë krizës së emigracionit, e cila deri tani ka shkaktuar mijëra viktima në Detin Mesdhe.
Ishte Komisioni Evropian i cili paraqiti planin që parashikon të pranojë në Europë 20 mijë emigrantë dhe t’i shpërndajë ata në vendet anëtare. Plani i cili do të zbatohet përgjatë dy viteve të ardhshme pritet t’i kushtojë rreth 50 milionë euro.
Por edhe pse vende si Britania e Madhe, Danimarka dhe Irlanda janë përjashtuar nga ligjet e emigracionit të Bashkimit Europian, ata kërkuan të bëhet më shumë për të vënë në shenjestër trafikantët në Libi dhe për të nisur një mision në det, për të kapur të gjithë barkat apo mjetet e përdorura prej tyre.
Rreth 51 mije emigrantë kanë hyrë në Europë, duke kaluar Detin Mesdhe gjatë këtij viti dhe mbi 1800 refugjatë kanë humbur jetën.
