Një shqiptar u deportua nga Britania e Madhe, pasi u dënua për kultivim të një sasie të madhe kanabisi. P.Mitrollari, 48 vjeç, u arrestua pasi policia bastisi banesën ku jetonte në Nevilledale Terrace, Durham më 24 Qershor të vitin e kaluar. Oficerët raportuan se bimët e kanabisit po kultivoheshin me kushte mjaft të sofistikuara të ujitjes, ndriçimit dhe ngrohjes.
Një zyrtar i policisë, ekspert në prodhimin drogës, përllogariti se vlera potenciale e përfitimit nga ky operacion ishte rreth 1 milion paund në vit.
Sipas mediave britanike, shqiptari ishte vendosur në Mbretërinë e Bashkuar që prej 2015-s dhe kishte leje qëndrimi deri në 2024.
Mitrollari tha në gjykatë se ishte viktimë e skllavërisë moderne dhe se ishte marrë nga shtëpia e tij në Sheffield dhe ishte sjellë në Durham për të punuar. Ai fillimisht mohoi të kishte prodhuar kanabis.
Por në fund, pretendimet e tij u hodhën poshtë nga gjykata dhe Mitrollari u dënua për 25 muaj në muajin Maj dhe të premten e shkuar u kthye në atdhe.
/a.r
