Në 24 orët e fundit Britania e Madhe ka shënuar 757 viktima si shkak i koronavirusit, duke e çuar numrin e vdekjeve nga Covid-19 mbi 18 mijë.
Sot është parë një ulje e lehtë e viktimave të Covid-19, sepse ditën e djeshmë ishin të paktën 873 pacientë që vdiqën nga virusi.
Me këto shifra tragjike duket sikur Britania është në rrugën e Italisë, pasi edhe Italia në të njëjtën mënyrë para disa javësh shënonte ditë pas dite një numër të lartë viktimash.
Anglia raportoi 665 vdekje të reja të mërkurën, Skocia raportoi 77 dhe Uellsi pati 15 vdekje të tjera. Irlanda Veriore ende nuk ka raportuar shifrat e saj ditore.
Numri i përgjithshëm i vdekjeve tani është 18.094 në të gjithë Mbretërinë e Bashkuar. Numri i vërtetë i vitkimave sipas një studimi u mësua se është të paktën mbi 41 mijë, pasi në bilancet ditore nuk përfshihen vdekjet në shtëpi, apo në azilet e pleqve.
Të dhënat e Zyrës për Statistikat Kombëtare, të cilat përfshijnë viktimat që kanë vdekur në shtëpi ose nëpër azile, bën që numri i të përgjitshëm i viktimave të jetë më i lartë sesa raportohet nga spitali NHS dhe Departamenti i Shëndetësisë në Britani.
Por pengesa kryesore e statistikave të ONS, të cilat dalin një herë në javë, është se ato janë 10 ditë jashtë datës në kohën kur publikohen. Një parashikim nga Financial Times ka sugjeruar se rezultojnë të paktën 41.102 njerëz të vdekur ndërsa numri zyrtar ishte 17,337.
Modeli i FT bazohet në numrin e vdekjeve të tepërta, përfshirë të dhënat nga Skocia dhe Irlanda Veriore, por punimet e sakta të tij nuk janë menjëherë të qarta.
Modeli i saj parashikon në thelb se si të dhënat e prapambetura, përfshirë vdekjet që ndodhën jashtë spitaleve, mund të duken brenda 10 ditëve.
Vlerësimi i 41,102 vdekjeve deri në 21 Prill përfshin më shumë se 10,000 që ndodhin në azile.
Shifrat e ONS tregojnë tashmë se një në 10 vdekje të koronavirusit midis 4 Prillit dhe 10 Prillit ka ndodhur në shtëpi pleqsh në Angli dhe Uells.
Dhe ky numër pritet të rritet ndërsa më shumë të dhëna bëhen të disponueshme për ditët rreth pikut të vdekjeve në spitale, tani që mendohet të ketë qenë 8 prilli.
Statistikat e ONS treguan dje se vdekjet në shtëpitë e kujdesit ishin dyfishuar gjatë javëve të fundit, por vetëm 17 përqind e certifikatave të vdekjes përmendën COVID-19. /Javanews
g.kosovari
