Një Brexit i ashpër mund të tregohet i padrejtë edhe për sanduiçin me tre shtresa të firmës ”Marks and Spencer”. Pa një marrëveshje të divorcit eksportet do të përfshijnë edhe Francën, e cila e liston këtë produkt në mesin e të prefereruave.
Francezët nuk duan të dëgjojnë një gjë të tillë, pasi ky produkt është shumë popullor në pjesën kontinentale të Francës metropolitane, shprehet Archie Norman, presidenti i ”Marks and Spencer” për të përditshmen ekonomike ”Financial Times”. Nëse kamionet tona do të qëndrojnë në një parking pranë Douvres për gati gjysmë dite, kjo nënkupton daljen nga tregu të super sanduiçit M&S në Paris.
Ndërsa negociatat po zvarriten midis Londrës dhe Brukselit, dhe dështimi në fund të tetorit për arritjen e një marrëveshje divorci po afrohet, perspektiva e një Brexit të ashpër në fund të marsit 2019 po përmendet gjithnjë e më shumë.
”Marks and Spencer” zotëron 20 markete në Francë, të gjitha ”franchise” me një shitje vjetore prej një milionë sanduiçë. Sanduiçët transportohen çdo ditë me kamion nga tuneli i La Manshit dhe duhet të konsumohen për gati 48 orë.
Këto sanduiçë, me një konsum vjetor prej 97 milionë vetëm në Britaninë e Madhe prodhohen të gjitha në një fabrikë në Northampton, në qendër të Anglisë.
/b.d
