Pas vendimit të britanikëve për të dalë nga BE, ka reaguar dhe Presidenti Putin, duke e cilësuar BREXIT si një vendim të kuptueshëm, pasi “askush nuk do të ushqejë ekonomitë e dobëta”. Putin thekson se Rusia nuk ka në plan të ndërhyjë në rezultatet që ka sjellë referendum.
Mendoj se është e kuptueshme përse kjo ka ndodhur, së pari, askush nuk do të ushqejë dhe subvencionojë ekonomitë e dobëta, të mbështesë shtetet e tjera dhe kombe të tëra”- tha Putin në samitin e Organizatës së Kooperimit të Shangait në Tashkent.
“Mesa duket populli britanik nuk është I kënaqur me mënyrën sesi po zgjidhen problemet në sferën e sigurisë, problem të tilla janë bërë më akute kohët e fundit me procesin e emigrantëve”- shtoi Putin.
Komentet e Putin vijnë pas atyre të Kryeministrit Cameron I cili tha se “ai (Putin) do të ishte I lumtur nëse Britania do të dilte nga BE”.
“Por siç e shohim dhe tani, të tilla deklarata nuk kanë patur efektin e dëshiruar nga ata që I bënë. Askush nuk ka të drejtë që të bëjë deklarata për pozicionin e Rusisë, e sidomos pas numërimit të votive të referendumit. Kjo nuk është veçse një shembull I kulturës së ulët politike”- replikoi Putin.
Kreu i shtetit rus shtoi gjithashtu se referendum do të ketë pasoja, por për momentin është ende e vështirë për të parë nëse do të jenë të mira apo të këqija.
“Për Britaninë dhe për Rusinë, ky referendum, është e sigurt se do të ketë pasoja… të një lloji global. Ato janë të pashmangshme. Do të ketë nga të dyja, pasoja të mira dhe negative. Tregu me siguri do të humbasë terren, madje ka humbur që tani, porn ë terma afatmesëm, me shumë mundësi gjithçka do të restaurohet.”- tha Putin./java/ a.k/ burimi Russia Today
