Që nga muaji prill e deri në qershor të këtij viti në Kosovë janë shënuar 1.454 vjedhje. Nga kjo shifër, sipas Policisë së Kosovës, 1.161 janë regjistruar si vjedhje të rënda.
Megjithatë, Policia e Kosovës thekson se krahasuar me vitin e kaluar këtë vit ka 9 për qind vjedhje më pak, shkruan Koha Ditore.
Zëdhënësi i Policisë së Kosovës, Daut Hoxha, ka thënë se dukuria e vjedhjeve mbetet shqetësuese për policinë, sidomos në muajt e verës. (b.an)
