Biznesmeni turk Adnan Oktar, 64 vjeç, u dënua me 1,075 vjet për një seri krimesh të tmerrshme. Ai kishte krijuar një grup gjatë dekadave, ndërsa jetonte një jetë luksoze i rrethuar nga gra magjepsëse që ai i quajti “kotelet” e tij dhe meshkujsht ishin “luanët” e tij.
Ai përfundimisht u shpall fajtor për dhjetë akuza të veçanta, duke përfshirë drejtimin e një bande kriminale, abuzimin seksual të të miturve, abuzimin seksual dhe përfshirjen në spiunazh politik ose ushtarak.
Nga akuzat për përdhunime me anëtarët që dyshohet se mbanin edhe një tabelë të rezultateve, deri tek pretendimet e tmerrshme të grave që detyroheshin të merrnin pilula kontraceptive pasi u sulmuan hetuesit zbardhën krimet e tij të tmershme.
Tani disa nga ata që jetuan me Oktën kanë hedhur dritë mbi atë se si ishte të jetoje në ‘haremin’ e tij.
Seda Isildar ishte një adoleshente në shkollën e mesme kur miqtë e prezantuan atë me Oktarin dhe grupin e tij, por ajo e dinte tashmë se kush ishte ai pasi e pa atë në kopertinën e një reviste të njohur në vend.
Tanimë 50 vjeçe dhe jeton në Kanada, Seda tha: Të thonë se je e veçantë. Ti je ndryshe nga pjesa tjetër. Bëhesh pjesë e atij grupi. Dhe ata të izolojnë, është si një marrëdhënie toksike. Seda thotë se si nxënëse e kishin detyruar të martohej me të, kur ai ishte rreth të tridhjetave.
Vuajtjet u përshkallëzuan nga emocionale në fizike kur ajo u detyrua të bënte një ndërhyrje në hundë në moshën 20 vjeçare pa anestezi të përgjithshme. Ajo ende mund të kujtojë çekiçin që i trokisnin në fytyrë.
Seda tha: Ishte e tmerrshme, po numëroja sa herë më goditnin çekiçin dhe daltën në hundë. U deshën tetë vjet para se ajo ishte në gjendje të arratisej dhe të fillonte një jetë të re në Kanada.
Oktar së pari u bë i njohur në vitet 1990, ndërsa drejtonte Fondacionin e Kërkimit të Shkencës. Ai u fokusua në aktivitetet shkencore që synojnë ndërgjegjësimin masiv në lidhje me shkaqet e vërteta themelore të konflikteve sociale dhe politike.
Megjithatë, ishte kanali i tij televiziv A9 që ai filloi të transmetonte në vitin 2011, gjë që e bëri atë një emër të njohur në mbarë botën.
Videot e ngarkuara rregullisht në internet e tregonin atë duke kryer predikime ndërsa ishte i rrethuar nga “kotelet e tij”.
Si të skllavëroni gratë
Ceylan Ozgul ishte 24 vjeç dhe ishte në vitin e tretë në Universitetin e Stambollit kur u kap në kultin e Oktarit. Ajo thotë se u tërhoq ngadalë, por me rritjen e rolit të saj në grup, u rritën edhe ata. Ish “kotelja” u bë një nga anëtaret më të shquara të grupit, duke u shfaqur rregullisht në kanalin televiziv të Oktarit, ku një grua mund të shihej duke i ngulur sytë mbi të, ndërsa përkëdhelte çdo lëvizje të tij. Ajo thotë se ishte një evolucion i ngadalshëm dhe gradual për t’u bllokuar brenda botës së tij.
Por ndërsa ajo u përfshi më shumë, roli i saj brenda grupit u rrit, dhe ajo thotë se shpejt u bllokua në një mjedis që lëvizjet dhe komunikimet e saj monitoroheshin.
