Burgjet në shtetin e Pernambuco, Brazil drejtohen nga vetë të burgosurit, të cilët përkundër shumë gjërave shesin vetë kokainë dhe vrasin vetë ata të cilët nuk arrijnë të paguajnë borxhet.
Autoritetet kanë vendosur që t’u japin punë vrasësve, përdhunuesve dhe tregëtarëve të drogës, në mënyrë që të mbahet kontrolli dhe rendi në burg, shkruan Daily Mail, transmeton Gazeta Blic.
Një i burgosur në burgun e Pernambuco ka deklaruar se 31 të burgosur janë edhe roje të burgut. Ndërsa të burgosurit ‘kalben’ nëpër dhoma të vogëla që i ndajnë me dhjetë burra të tjerë, ‘bosët’ jetojnë nëpër dhoma private me TV, me frigoriferë dhe me shërbëtorë personale, transmeton Gazeta Blic.
Të burgosurit paguajnë taksë javore rreth 8 dollarë, ndërsa ata që nuk kanë mundësi të paguajnë një taksë të tillë edhe mund të vriten.
“Mbretërit e drogës” arrijnë që të shesin kokainë në burg, që ta kontrabandojnë atë edhe jashtë burgjeve përmes oficerëve të policië, ndërsa nga aty detyrojnë ata që janë jashtë të paguajnë borxhin.
Një tregtare e quajtur Sandra, ka treguar se njëri nga dileret e drogës në burg urdhëroi atë për të paguar borxhin e drogës e birit të saj, duke thënë: “Ose ju paguani ose keni blerë një arkivol për djalin tënd.”
“Kam shitur gjithçka që kisha,” është shprehur ajo.
Të burgosurit roje abuzojnë me pushtetin nga shitja e drogës në mes të burgosurve.
Regina, emri i të cilit është ndryshuar për arsye sigurie, ka deklaruar se ka paguar rreth 300 dollarë për djalin e saj.
Më e tmerrshma është deklarata e një djali 34-vjecar, i cili është detyruar nga kreu i bandës të kryejë marrëdhënie me 67 burra tjerë.
“Ai më detyroi të kryejë marrëdhënie me tre burra. I tregova shefit të sigurisë për këtë, por ai nuk më ka besuar,” shkruan Daily Mail, transmeton Gazeta Blic.
Prokurori Brazilian Marcellus Ugiette ka thënë: “Çdo gjë që po ndodh është për shkak se shteti ka vendosur që njerëzit e këqinj të marrin nën kontroll burgjet.”
Burgjet e Brazilit mbajnë më shumë se 607,000 njerëz në burgjet e projektuara për rreth 377.000. Në Pernambuco, gati 32,000 të burgosurit janë të vendosur në burgje me kapacitet për vetëm 10,500.
Burgjet në Pernambuco mesatarisht kanë një roje për çdo 31 të burgosurit, sipas të dhënave të fundit nga Departamenti Kombëtar i Burgjeve.
