Presidenti i Partisë së Lirisë, Ilir Meta është dërguar nga drejtoria e policisë drejt bllokut të sigurisë, një godinë 5-katëshe, shkruan A2 CNN.
Godina e ndërtuar pranë paraburgimit 302 në rrugën “Mine Peza” shërben për dhomat e shoqërimit të të gjitha komisariateve të Tiranës. Blloku i sigurisë është i ndarë në 5 kate dhe ka staf të veçantë, kamera sigurie për monitorimin e punës së punonjësve të policisë, por edhe dhoma intervistimi të të shoqëruarve apo arrestuarve. Mësohet se dhe ish deputeti Jurgis Çyrbja është në këto ambiente.
Meta u arrestua pranë rrethrrotullimit të Kamzës, teksa po kthehej nga Kosova. Në pamjet e siguruara nga A2 CNN, Meta është tërhequr me forcë jashtë makinës së tij nga efektivët e Byrosë Kombëtare të Hetimit dhe është transportuar drejt Policisë së Tiranës.
Mbi ish-presidentit rëndojnë akuzat e korrupsionit, fshehje të pasurisë dhe mosdeklarim i të ardhurave.
