Deputetja e Partisë Demokratike, zonja Mjlinda Bregu ka reaguar ndaj deklaratave tëministrit Veliaj ku tha se në komunat e djathta në veri, janë njerëzit që po ikin jashtë vendit.
Bregu i ka konsideruar keto deklarata si cinike dhe të pandjeshme, duke theksuar se varfëria nuk njeh teser partie.
Zonja Bregu e mbyll postimin e saj në facebook duke thënë : “S’ka shpresë, ka ikje”
“Cinike, e turpshme, tinëzare dhe krejt e pandjeshme për shqiptarët deklarata e sotme e ende Ministrit te Mirëqenies Sociale të Shqiptarëve, Erjon Veliaj.
Varfëria nuk njeh teser partie, dëshperimi nuk zgjedh demokratët e lumturimi socialistët. Jetojnë keq e më keq të gjithë ata që nuk kane punë e të ardhura dhe as shohin mundësi për punë e te ardhura.
Papërgjegjshmeria e deklaratave të tilla, e nxjerr me zbuluar gënjeshtren e mirëqenies.
S’ka shpresë, ka ikje.
Që kur mashtrimi u bë ” virtut”, realiteti hakmerret egër vetë”, mbyll postimin e saj në facebook deputetja Bregu
