“Shkalla e besimit të qytetarëve tek autoritetet dhe politika e Ballkanit Perëndimor është e ulët në mënyrë alarmante, sepse 60 për qind nuk u besojnë as qeverisë, as parlamenteve, e as gjyqësisë, ndërsa i besojnë dukshëm më shumë shoqërisë civile, deklaroi sot në Tiranë sekretarja e përgjithshme e Këshillit Rajonal për Bashkëpunim” – tha sot Majlinda Bregu.
Duke folur për në hapjen e Forumit të shoqërisë civile të Ballkanit Perëndimor, ajo iu referua të dhënave nga Eurobarometri për vitin 2018, sipas të cilëve, trupi më funksional që mund t’i thërras autoritetet në përgjegjësi, më shumë se mediumet ose nga parlamentet, është pikërisht shoqëria civile.
“Duke e pasur parasysh se qytetarët u besojnë organizatave të shoqërisë civile dhe presin ata të kryejnë presion ndaj autoriteteve, këto organizata duhet të koncentrohen në katër elemente kryesore – qeverisja e të drejtës, përforcimi i institucioneve, zbatimi i kulturës së presionit civil dhe shmangia e mundësisë për të qëndruar peng i mjeteve qeveritare me të cilat blihet mundësia kyçe për veprimin e tyre”, theksoi Bregu.
Forumi i shtatë i shoqërisë civile ka mbledhur rreth 150 përfaqësues të organizatave joqeveritare nga rajoni dhe Evropa, ndërsa u përshëndet edhe nga drejtoresha për Evropën Perëndimore, Ballkanin Perëndimor dhe Turqinë pranë Shërbimit evropian për punë të jashtme Angelina Ejhorst, si dhe nga organizatorët, kryetari i Këshillit evropian ekonomik dhe social, Luka Jahier dhe nga zëvendësministri për Evropën dhe Punët e Jashtme të Shqipërisë, Sokol Dedja.
/a.rada
