Rritja e numrit të vdekjeve dhe rasteve të reja në Brazil po shqetësojnë shumë brazilianë, por jo Presidentin Jair Bolsonaro.
Të dielën e 24 majit, ai ishte në një tubim në kryeqytetin Brasilia, dhe i gjendur midis mijërave personave, sërish nuk kishte vendosur maskë mbrojtëse, shkruan BBC.
Bolsonaro duket se është më i përqëndruar në luftimin e betejave politike. Ai po përballet me akuza se po merret më shumë për ndërhyrje politike për të mbrojtur familjen e tij, sesa të kufizojë krizën shëndetësore në vend.
Ditët e fundit kanë qenë shumë të vështira për vendin. Jo vetëm që Brazili është bërë një nga epiqendrat e krizës së virusit në botë, por është e qartë që presidenti dhe ekipi i tij nuk janë në gjendje apo edhe të gatshëm për ta udhëhequr vendin jashtë tij.
Presidenti amerikan Donald Trump tha se do të ndalohen shtetasit e huaj që kanë qenë në Brazil për të hyrë në SHBA, mes frikës se mund të sjellin më shumë raste të virusit.
Ky vendim, nga një njeri, për të cilin Bolsonaro gjithmonë e ka admiruar hapur, nuk u prit mirë.
Ministria e Shëndetësisë në Brazil ka konfirmuar se në këtë shtet janë shënuar deri tashmë 22 666 viktima nga koronavirusi në total, ndërsa në 24 orët e fundit kanë ndërruar jetë nga Covid-19, 653 njerëz.
Brazili deri në këto momente ka 363 211 raste të konfirmuara me koronavirus. Vetëm që nga e shtuna, janë shtuar 15 813 raste të reja, njoftoi MSH e këtij vendi, raporton Reuters.
g.kosovari
