Pas shumë thashethemeve, më në fund është konfirmuar se kombëtarja e Brazilit do të ketë si drejtor të ri teknik (trajner) Carlo Ancelottin. Ka qenë e njëjta Konfederatë Braziliane e Futbollit (CBF) që ka njoftuar se italiani do të mbërrijë, në përpjekje për të marrë titullin e gjashtë të shumëpritur të Kupës së Botës për “Selecao”.
Ednaldo, president i CBF, konfirmoi se Ancelotti do të mbërrijë në Brazil për të përballuar angazhimet e ardhshme të mëdha të kombëtares, duke theksuar “Copa América” 2024, kualifikueset e “Conmebol” për Kupën e Botës 2026 dhe të njëjtin Botëror që do të zhvillohet në Meksikë / SHBA / Kanada më 2026.
Pavarësisht se ka një karrierë të madhe si trajner, Ancelotti do të ketë përvojën e tij të parë në krye të një kombëtareje. Më e afërta punë që ka bërë në këtë drejtim ka qenë mes viteve 1992 dhe 1995, kur ishte asistent i legjendarit Arrigo Sacchi në kombëtaren italiane.
Kjo ndodhi kur përfundoi karriera e tij mitike si lojtar i Milanit. Më pas filloi ciklin e tij të trajnerit në krye të klubeve si Milani, Real Madridi, Chelsea, Paris Saint-Germain dhe shumë të tjerë.
Për pjesën e mbetur të këtij viti dhe një pjesë të vitit të ardhshëm, do të jetë ish-futbollisti, Fernando Diniz, i cili u largua nga Fluminense, tashmë në krye të Brazilit, që do t’i drejtojë pesë herë kampionët e botës në mënyrë të përkohshme.
Do të jetë muaji i ardhshëm i qershorit të vitit 2024, kur Carlo Ancelotti do të marrë drejtimin e kombëtares së Brazilit, përpara Kupës së Amerikës që do të zhvillohet në SHBA. Në këtë mënyrë, trajneri i Real Madridit do të largohet nga pozicioni i tij i suksesshëm pasi kontrata t’i përfundojë vitin e ardhshëm, në fund të sezonit 2023-2024.
Me këtë, Ancelotti do të largohet nga Real Madridi, pas dy fazave të shkëlqyera, në të cilat arriti të fitojë titujt e rëndësishëm të La Liga-s, Ligën e Kampionëve, Kupën e Mbretit, Botërorin për Klube etj. Në kombëtaren e Brazilit, italiani do të takohet sërish me lojtarë që ka menaxhuar tashmë, si Vinicius Jr., Neymar Jr., Rodrygo, Eder Militao etj.
/a.r
