E shtuna shënoi ditën më të nxehtë të muajit Korrik. Termometri ka prekur 40 gradë celcius nën hije dhe deri 45 gradë në diell.

Për t’iu larguar të nxehtit afrikan, qytetarët u janë drejtuar zonave bregdetare dhe pishinave. Ndërsa ata që nuk kanë mundësi, kanë zgjedhur të freskohen në ujërat e shatërvaneve, apo edhe të Liqenit Artificial i Tiranës.

Çadrat duken zgjidhja më e mirë për të evitur rrezet e diellit edhe për kombësorët. Një shishe ujë rekomandohet në çdo kohë për t’u mbajtur me vete.

Sipas metereologëve, këto temperatura të larta pritet të jenë deri javën tjetër. Për të evituar problemet, mjekët rekomandojnë të shmanget dalja në pikun e të nxehtit nga ora 12:00 deri 17:00, si dhe të konsumohen sa më shumë lëngje. Kujdes duhet të kenë fëmijët dhe mosha e tretë, si dhe ata me probleme kardiake.