Lëvizja Socialiste për Integrim, aleatja kryesore e partisë Socialiste në qeverisje kërkon t’i jepen më shumë kompetenca institucionit të prefektit.
Ligji i ri për këtë isntitucion ka zbritur në komisionet kuvendore. Në Komisionin e Sigurisë, kreu i këtij komisioni Spartak Braho, përfaqësues i LSI kërkoi më shumë kompetenca për prefektët që sipas tij janë kthyer në kukulla.
“T’i sugjerojmë komisionit të ligjeve të rrisë kompetencat. Deri më tani kemi pasur një prefekt kukull”, u shpreh Braho, teksa kërkoi dhe përfshirjen në ligj dhe të rolit të këtij titullari në përgatitjen e zgjedhjeve si monitorimi i listave të zgjedhësve dhe përcaktimi i qendrave të votimit.
Asllan Dogjani i PD-së, deklaroi se ka mbivendosje mes prefekturës dhe qarkut, ndaj “duhet shkrihet njëra prej tyre”, u shpreh ai./a.m.
