Nuk do të ketë shkarkim nga posti i kreut të Komisionit të Sigurisë për Spartak Brahon. Deklarata është bërë nga zëdhënësi i Kuvendit të Shqipërisë Emiljano Aleksi i kontaktuar nga JavaNews.al
Sipas tij aludimet se mund të ketë një shkarkim të Brahos janë të pavërteta. Për zëdhënësitn ky informacion vjen pas deklaratave të bërra ditën e djeshme mes Kreut të Komisionit të Sigurisë dhe Kryeparlamentarit Ilir Meta lidhur me një takim të mundshëm të Brahos me Frrokun në spitalin ku ky i fundit po qëndron.
Po gjatë ditës së sotme, Meta bëri të ditur nga Gjirokastra se nuk do të ketë kompromis për asnjë deputet që shkel ligjin. Ditën e djeshme Braho ishte në spitalin ku qëndron Frroku, por se sipas tij ka qenë për arsye personale shëndetësore.
Redaksia Online
(Javanews.al)
