Deputeti i Partisë Socialiste, Erion Braçe, ka ngritur alarmin për përhapjen masive të përdorimit të duhanit elektronik tek fëmijët dhe të miturit në Shqipëri, duke e cilësuar situatën si tejet shqetësuese për shëndetin publik dhe sigurinë e tyre.
Në një postim në rrjetet sociale, Braçe shprehet se pajisjet e duhanit elektronik po mbahen dhe përdoren nga fëmijët “gjatë gjithë ditës”, duke krijuar një ritual varësie, ndërkohë që produktet shiten lirshëm në dyqane, kioska dhe pika tregtimi në Tiranë.
Postimi i plotë i Erion Braçes:
Për shëndetin e fëmijëve;
ky është duhani elektronik!
Ja keni parë fëmijët ta mbajnë gjithë ditën nëpër duar, ta thithin si robotë në një ritëm varësie?
Domosdo që e keni parë!
Lexojeni pak pjesën e rrethuar;
“Mos e gëlltisni e mos e çmontoni. Ky produkt përmban një pjesë të mprehtë”!!
Kuptoni apo jo?!
Edhe pa e çmontuar, edhe pa e gëlltitur, çfarë është kjo pjesë e mprehtë? Për çfarë duhet në një cigare?
E kuptoni çfarë pinë fëmijët tuaj?
Vijoni lexoni, çfarë ju thotë??;
Mbajeni larg fëmijëve?? Kështu??
Pra, jo ndalohet t’u shitet fëmijëve, por ju ta mbani larg fëmijëve që mos ta gëlltisin!!
Shikoni, kam parë këto ditë çdo dyqan të mundshëm, kioska nëpër Tiranë; veç reklamës së IQOS, nuk ka kërrkund një tabelë ku të thuhet qartë dhe dallueshëm që “ky duhan ndalohet për fëmijët”! Zero, kërrkund!
Shitësit ia japin me qejfin që po shesin, kujtdokujt, edhe fëmijëve!
Kjo që po bën kompania që e shet këtë lloj duhani në këtë vend, duke shkelur ligjin, është kriminale;
po po, kriminale, dhe kompania mëmë është Philip Morris!
Tani shteti duhet të bëjë detyrën!!
Prindërit ndërkohë kanë dështuar!!
