Çështja e funksionarit të FBI Mc Gonigal është një nga arsyet e protestës së opozitës që pritet të zhvillohet ditën e nesërme.
Sipas Erion Braçes, i ftuar në ”Intervistë”, “po thuhen shumë të pavërteta për ta përdorur politikisht dhe për të mbuluar thelbin. Thelbi nis në marsin e 2017, me paratë që kanë financuar fushatën e PD në vitin 2017, ky është thelbi shqiptar. Thelbi i çështjes Mc Gonigal janë akuzat ndaj tij për abuzim të ligjit. Nuk ka akuzë shqiptare në Amerike, ndaj kryeministrit nuk ka çështje”.
Sipas tij, “po të thuhet e vërteta zbehet pjesa shqiptare. Në studiot televizive thuhet se ka patur ndikim të paligjshëm të Edi Ramës dhe ka dhënë para që Mc Gonigal të ushtrojë ndikimin e tij që të hetohej çështja. Të gjithë harrojnë që para kësaj çështje ka qenë vetë Nick Muzin i cili ka bërë dëshmitë e veta, ka deklaruar 670 mijë dollarë me burim Lulzim Bashën, me Biniata Trade që ka pronarë rusë.
Nuk ka pasur nevojë t’ i kërkonte gjë, sepse ngjarja u bë e madhe vetë, pas hetimit të gjithë “guackave”.
Marrëdhënia ime me Edi Ramën është marrëdhënie besimi, përtej uljeve dhe ngritjet e veta si çdo gjë në politik. E kam shumë të vështirë të pranoj që të më gënjej dikush. Njoh detajet dhe them se Muzin ka bërë deklarimet e tij përpara, duke e bërë të padobishme ndërhyrjen e tij. Kryeministri përmendet? Do të thotë të vetën”.
E përditshmja amerikane New York Times, ka deklaruar, në kundërshtim me atë që thuhet nga kryeministrja, se nuk ishte Mc Gonigal qe i kërkoi takim kryeministrit Rama, por që ishte Agron Neza që e prezantoi zyrtarin e FBI me këshilltarin “informal” Dorian Ducka, dhe ky i fundit me kreun e qeverisë.
Brace bën një batutë. “Unë e njoh New York Times, jam personi që e ka ngritur në Kuvend dhe mu tha nga Berisha ulë ule atë letrën higjienike, ishte para Gërdecit. Mendoj se do të ketë një debat në Kuvend ku të gjithë, përfshirë kryeministri, të thotë të vetën për kontradiktat”.
/a.r
