Partia Demokratike deklaroi një ditë më parë me anë të ishministrit të Financave Ridvan Bode, se vendimi për uljen e çmimit të shitjes së energjisë nga KESH te CEZ, nuk u zbatua asnjëherë.
Por, deputeti socialist Erjon Braçe ka publikuar faksimilet, me të cilat thotë se ky vendim është zbatuar për 5 muaj me radhë. ‘Tema’ citon se vetëm për këtë pesë muaj, CEZit i janë falur 35 milion euro.
“Kështu Berisha e Bode i falën CEZ 35 milion euro. Shqiptarët e meritojnë që këto para të rikthehen. Këto janë prova, Sali Lulzim, Ridvan. Kështu ulët çmimin e energjisë për CEZ me 35 milion euro. Asnjë cent për qytetarët. Sali Berisha, Lulzim Basha dhe me konkretisht Ridvan Bode, insistojne: Nuk kemi ulur cmimin e energjise per Cez por e kemi rritur!! Genjeshter e madhe! Keto qe shihni jane 2 nga 5 pale fatura me te cilat KESH ka faturuar energjine per CEZ ne janar, shkurt, mars, prill, maj 2012; Cdo kilovat i faturuar nga KESH per CEZ ka cmimin 2.83 leke per kilovat. Ne korrik, pas vendimit te ERE te urdheruar nga Berisha, miratuar ne menyre te dokumentuar nga ish ministri Bode. KESH është deturuar tamam pas këtij vendimi të ulë çmimin me 0/63 lekë për kilovat dhe ulë vlerën e faturave të 5 muajve të shkuar. Shini faturen, lexoni shenimin ne to ne te majte; lexoni per vendimin, daten, cmimin dhe efektin financiar prapaveprues! Keto jane provat dhe ky eshte skandali”, shkruan deputeti socialist, që ka publikuar edhe faksimilet.
