Deputeti i Partisë Socialiste Erion Braçe deklaroi se tani është koha që të gjithë ish-ministrat që akuzohen për evazion të lartë fiskal, të arrestohen.
“Tani është koha që ish-ministrat të kenë pranga. Oligarkët e Sali Berishës nuk mund të na konsiderojnë një shoqëri budallaqe. Hetim fiskal të menjëhershëm, ndryshe nuk mund të ketë drejtësi fiskale për çdokënd tjetër”, shkruan Braçe në Facebook.
Ai kërkoi që qeveria të hetojë shitjen e 49% të aksioneve të kompanisë që zotëron koncesionin e skanimit, para se të bëhej operativ, me leje të ministrit Bode, për vetëm 490 lekë të rinj.
“Në prill 2013, Sali Berisha, Ridvan Bode dhe deputetët e tyre, ju vendosen një SUPERTAKSË qytetarëve dhe sipërmarrësve me vlerë 39 EURO për çdo deklaratë doganore, duke ngritur një biznes që niste me 264 milionë euro e arrinte deri në 360 milionë euro”, u shpreh Braçe.
SHEKULLI
