Replikat e forta nuk kanë munguar as sot në Kuvend gjatë diskutimit të projektligjit për koncesionet. Ka qenë kreu i Komisionit të Ekonomisë dhe njëherësh deputeti i PS Erjon Braçe i cili u është kundërpërgjigjur akuzave të PD-së në një mënyrë unike.
Në fjalën e tij nga foltorja e Kuvendit, Braçe ka akuzuar opozitën lidhur me koncesionet duke thënë se kanë dhënë një koncesion me vlerë 260 milionë euro për vetëm 490 lekë të reja. Dhe për ta ilustruar këtë deputeti socialist kishte marrë me vete një Red Bull dhe Dy Bake Rolls duke thënë se kaq vlente koncesioni i tyre prej 260 milionë eurosh.
